იცით, ვისი ინიციატივა იყო დედაქალაქის მთავარი გამზირისთვის შოთა რუსთაველის სახელის მინიჭება, ან რა ძალისხმევა დასჭირდა ამ იდეის განხორციელებას?
ის თუ იცით, როგორ გამოიყურებოდა ეს გამზირი XIX საუკუნეში, როცა გოლოვინის სახელს ატარებდა და როგორი ტრანსფორმაცია განიცადა ქალაქის სხვა უბნებთან და ქუჩებთან ერთად?
ტური ზაქარია ფალიაშვილის მემორიალურ სახლ–მუზეუმში დიდი ქართველი კომპოზიტორის ცხოვრების და შემოქმედების შესახებ მოკლე ექსკურსიის შემდეგ რუსთაველის გამზირისკენ გადაინაცვლებს.
საფეხმავლოტურისასმონაწილეები XIX -XX საუკუნეების თბილისის და რუსთაველის გამზირზე განთავსებული ისტორიული შენობების შესახებ საინტერესო ამბებს მოისმენენ. ამასთან ერთად, XIX საუკუნის ბოლოდან მოყოლებული, 60 წლიან შუალედში გამზირის გასწვრივ და სიახლოვეს აგებული 6 თეატრის შესახებ შეიტყობენ: როდის, ვის მიერ და სად აიგო თბილისის პირველი საოპერო თეატრი, რომელსაც აღფრთოვანებაში მოჰყავდა ევროპელი სტუმრები, როდის აიგო და რა ერქვა ადრე შოთა რუსთაველის სახელობის თეატრს, როდის აშენდა ოპერის თეატრი და რომელი ოპერა დაიდგა აქ პირველად, როგორია ამ თეატრის ტრადიცია, რომელიც საუკუნეზე მეტი ხნისაა.
საფეხმავლო ტური ბევრ საინტერესო ფაქტს გაგაცნობთ ქვეყნის და გამზირის ისტორიიდან და დღევანდელ თავისუფლების მოედანზე დასრულდება.
პროგრამაში მონაწილეობა შესაძლებელია მხოლოდ ჯგუფურად.
მინიმალური რაოდენობა: 5
მაქსიმალური რაოდენობა: 15
ასაკობრივი ჯგუფი: 13 წლიდან
ხანგრძლივობა: 120 წუთი
პარასკევი: 11:00
ღირებულება: 10 ლარი
ქ.თბილისი, დიმიტრი ბაქრაძის ქ. N10
(+995 32) 2 305 001 551 51 49 42