„ეთერ გუგუშვილი – ერთი საუკუნე“

საღამოს გაუძღვება მსახიობი, რუსუდან ბოლქვაძე.

შოთა რუსთაველის სახელობის სახელმწიფო თეატრალურ ინსტიტუტში ეთერ გუგუშვილი პედაგოგიურ საქმიანობას ეწეოდა. იყო ამავე ინსტიტუტის პრორექტორი, 1973-2005 წლებში ინსტიტუტის რექტორი. მან, 1970-იანი წლების დასაწყისში ინსტიტუტის სასცენო მოძრაობის კათედრის ხელმძღვანელად, ვახტანგ ჭაბუკიანი მიიწვია.

მისი ავტორობით გამოიცა წიგნები და ბროშურები, მათ შორის 1990 წელს – „ვახტანგ ჭაბუკიანი“ (თბილისი).

1995 წელს, ეთერ გუგუშვილის ინიციატივით დაარსდა ვახტანგ ჭაბუკიანის სახელობის საერთაშორისო ცენტრი, რომლის პრეზიდენტიც თავად იყო. ცენტრმა ხელი შეუწყო მემორიალური სახლ-მუზეუმის გახსნას და ჭაბუკიანის სახელის უკვდავყოფას.

ეთერ გუგუშვილი აქტიურად ჩაერთო მუზეუმის სარემონტო სამუშაოებსა და ექსპოზიციის მოწყობაში, 1999 წელს დაინიშნა მემორიალური სახლ-მუზეუმის დირექტორად, ხოლო 2000 წლიდან სიცოცხლის ბოლომდე იყო მუზეუმის „საპატიო დირექტორი“.

დასწრება თავისუფალია.

ვახტანგ ჭაბუკიანის მემორიალური სახლ-მუზეუმი
დავით აღმაშენებლის გამზ. №83/23