ევროპის მუზეუმების ფორუმი EMYA 2023, სამუზეუმო სფეროს ყველაზე პრესტიჟული კონკურსი, ყოველწლიური კონფერენციით გაიხსნა.
EMYA 2023-ის წლის საუკეთესო ნომინირებულ მუზეუმებს შორის თბილისის მუზეუმების გაერთიანება – ილია ჭავჭავაძის ლიტერატურულ-მემორიალური მუზეუმია წარდგენილი.
სამუზეუმო სფეროს ყველაზე პრესტიჟული კონკურსი EMYA 1977 წელს მუზეოლოგის კენეტ ჰადსონის მიერ დაფუძნდა.
კონკურსი ევროპის საბჭოს ეგიდით ხორციელდება და მიზნად ისახავს ევროპის მასშტაბით სამუზეუმო სფეროს მოწინავე გამოცდილების აღიარებას და სამუზეუმო სივრცეში ინოვაციური მიდგომების განვითარების ხელშეწყობას.
კონკურსი რამდენიმე ნომინაციას მოიცავს:
ევროპის წლის მუზეუმის პრემია
ევროპის საბჭოს პრიზი
კენეტ ჰადსონის პრემია
სილეტოს პრიზი
პორტიმაოს მუზეუმის პრიზი
მეივაერტის მუზეუმის პრიზი
სპეციალური აღნიშვნის პრიზი
გამარჯვებულების დაჯილდოვების ცერემონია 6 მაისს MUHBA ბარსელონის ისტორიის მუზეუმში გაიმართება.
