კონსერვაციისა და რესტავრაციის სამეცნიერო-კვლევითი ლაბორატორია თბილისის მუზეუმების გაერთიანების ილია ჭავჭავაძის ლიტერატურულ-მემორიალურ მუზეუმში 2020 წელს გაიხსნა.
საერთაშორისო წესებისა და პროფესიული კოდექსების გათვალისწინებით, ლაბორატორია უზრუნველყოფს გაერთიანების კოლექციებში დაცული კულტურული და ისტორიული მნიშვნელობის ობიექტებისა და ეპოქალური ნივთების კონსერვაცია-რესტავრაციას – არტეფაქტებისთვის სიცოცხლის გახანგრძლივებას მათი ავთენტური სახის შენარჩუნებით.
ასევე ლაბორატორიაში ხორციელდება ობიექტების დაზიანების, დაბერება/დაძველების მიზეზების კვლევა და პრევენციული კონსერვაცია.
ლაბორატორიის დაარსების დღიდან რესტავრაცია-კონსერვაცია ჩაუტარდა კოლექციებში დაცულ ფერწერულ ტილოებს, გრაფიკულ ნამუშევრებს, აფიშებს, რარიტეტულ წიგნებსა და მემორიალურ ნივთებს.
