დღეს, 4 თებერვალს, თბილისის მუზეუმების გაერთიანების კოტე და სოსო წერეთლების მემორიალურ ბინა-მუზეუმს საქართველოს საგანგებო და სრულუფლებიანი ელჩი ლაშა ჟვანია და ისრაელის კონსული საქართველოში სმადარ ცემახ-რაცაბი ესტუმრნენ.
სტუმრები გაეცნენ კოტე წერეთლის ცხოვრებასა და შემოქმედებას, ბიბლიოთეკას, მემორიალურ ნივთებს, პირად არქივს.
სტუმრები დაინტერესდნენ თბილისის მუზეუმების გაერთიანების დაგეგმილი და სამომავლო საკითხებით და გამოხატეს მზადყოფნა სამომავლო თანამშრომლობისთვის.
სტუმრებს თბილისის მუზეუმების გაერთიანების გენერალურმა დირექტორმა ნინი სანადირაძემ უმასპინძლა.
1921 წლის 4 თებერვალს ქართველი აღმოსავლეთმცოდნე, საქართველოში ებრაისტიკა-არამეისტიკის სწავლების ფუძემდებელი, თბილისის საპატიო მოქალაქე კოტე წერეთელი დაიბადა.
