22 ივლისს თბილისის მერიის მუზეუმების გაერთიანება – გალაკტიონ ტაბიძის განახლებული მემორიალური ბინა-მუზეუმი გაიხსნა.
გალაკტიონ ტაბიძის მემორიალური ბინა-მუზეუმი წარმოდგენილია განახლებული ექსპოზიციით, რაც გულისხმობს თანამედროვე საერთაშორისო სტანდარტების შესაბამის სამუზეუმო და საგანმანათლებლო სივრცეს.
მუზეუმში სრულად არის დაცული, როგორც ბინა-მუზეუმის მემორიალური თავისებურება, ისე სამუზეუმო საჭიროებები.
საგამოფენო სივრცეები თანამედროვე მუზეოგრაფიის შესაბამისადაა მომზადებული, ინსტალაციები კი, რომლებიც მუზეუმში დაგხვდებათ, გალაკტიონ ტაბიძის ცხოვრებასა და ბიოგრაფიას ქრონოლოგიურად ჰყვება.
თბილისის მუზეუმების გაერთიანების მისია – ეს არის მუზეუმების ახალი როლი თანამედროვე საზოგადოებაში, როდესაც თანამედროვე მუზეუმი აფართოვებს სამუზეუმო საქმიანობის თვალსაწიერს და ცოდნის გაზიარების პარალელურად, კოლექციასთან ერთად პრიორიტეტად აქცევს დამთვალიერებელს.
მუზეუმი ღიაა: ყოველდღე 10:00 საათიდან 18:30 საათამდე.
