თოჯინა ,,შეწყვეტილი სიმღერა”

34076038 1682723508429652 5759397439941378048 n - თოჯინა ,,შეწყვეტილი სიმღერა''

თოჯინა ,,შეწყვეტილი სიმღერა” შეიქმნა 2017 წელს მუზეუმის საერთაშორისო დღესთან დაკავშირებული გამოფენისათვის ,,მუზეუმები და სადავო ისტორიები: მუზეუმი საუბრობს უთქმელზე”.

გამოფენა თბილისის მუზეუმების გაერთიანების თოჯინებისა და სათამაშოების მუზეუმის საგამოფენო სივრცეში გაიმართა და წარმოდგენილი იყო 30-მდე მეთოჯინის ნამუშევარი.

თოჯინა ,,შეწყვეტილი სიმღერა” შერეული მასალისგანაა დამზადებული. მისი შექმნის იდეა მეთოჯინე არჩილ (ბაჩო) ცანავას ეკუთვნის. როგორც ამბობს, თოჯინა ემოციური უნდა ყოფილიყო, ,,ხელში ხის ფანდური უჭირავს და უყურებს იმას, ვინც სიმღერა შეაწყვეტინა. ამიტომაც ვუწოდე შეწყვეტილი სიმღერა. თავდაპირველად აქცენტი პიეროს პერსონაჟზე იყო გაკეთებული, მაგრამ მუშაობის პროცესში ემოციასთან ერთად მოქმედებაც გამოისახა. ამან თოჯინა ემოციურად გააცოცხლა.”

არჩილ (ბაჩო) ცანავა თბილისის მუზეუმების გაერთიანების თოჯინებისა და სათამაშოების მუზეუმის თანამშრომელია, თოჯინებს 10 წლიდან ძერწავს. მეთოჯინეობის ხელოვნება იტალიაში დახვეწა, სადაც საქართველოში ვატიკანის ელჩის დახმარებით მოხვდა. მის მიერ დამზადებული თოჯინები საქართველოს თეატრის, მუსიკის, კინოსა და ქორეოგრაფიის სახელმწიფო მუზეუმში, ბათუმის მუზეუმში ინახება. თბილისის მუზეუმების გაერთიანების თოჯინებისა და სათამაშოების მუზეუმს კი ეს უნიკალური თოჯინა ,,შეწყვეტილი სიმღერა” უსახსოვრა, 2017 წლის 18 მაისს.