27 მაისს „ღამე მუზეუმში“ საერთაშორისო აქციის ფარგლებში, საქართველოს კულტურისა და ძეგლთა დაცვის სამინისტროს ინიციატივით, თბილისის მუზეუმების გაერთიანებამ ილია ჭავჭავაძის სახლ-მუზეუმში გამართა საღამო „პასუხის პასუხი“. თბილისის მუზეუმების გაერთიანებამ ღამის ღონისძიებათა თემად „მუზეუმები და სადავო ისტორიები: მუზეუმი საუბრობს უთქმელზე“ შეარჩია, რომელიც მუზეუმების საერთაშორისო საბჭოს (ICOM) ექსპერტთა ჯგუფმა 2017 წლის მუზეუმების საერთაშორისო დღისათვის შეიმუშავა.
